Guwahati, 15 December: Sunday din Assam laga Chief Minister Sarbananda Sonowal para tai laga Twitter account deh koise, Assam government toh genuine” Indian citizens ke bachabo nemide commit korise. Jaija hapta Mr Sonowal laga state deh chamela Citizenship (Amendment) Act, nahoile CAA nemide gorom-gorom protest howah dekhise. State deh curfew lakaise koilebe jar-jun mora aro thousands manu khan protest kora opor deh kotha kuribole nemide Assam Chief Minister toh Prime Minister Narendra Modi aro Home Minister Amit Shah ke lok kuribole biswaas kori ase.
Chief Minister para be tai laga appeal deh CAA politicise kuribole kosish kora, gondogol olabole encourage kora aro state laga development namidebole sai thaga ke kelaaf korise.
Chief Minsiter laga statement ola toh hoile ruling BJP laga ekta key ally para CAA ke kelaaf kuribole fesla kora bechide ase. Asom Gana Parishad (AGP) para parliament deh Citizenship Bill ke support kora thakise aro etiya AGP para Supreme Court agae deh kelaaf kuribo parae.
Opposition Congress para AGP’ stance opor deh doubt ase koikena etu toh eyewash ase koise.
Assam Congress chief Ripun Bora para news agency ke koise, “Etu toh AGP laga eyewash ase kelay koile Assam laga manu khan alak style para revolt kora nemide besi AGP laga leaders resign hoise. AGP leadership toh alak hoise. Tai khan etu kora ke tusara option nai. AGP toh BJP logode melikena ase”.
Sunday din Jharkhand deh election rally lowah time deh Prime Minister Narendra Modi para Assam laga manu khan ke congratulate korise kelay koile violence para dur rakha nemide. PM para be Congress aro etu laga supporter ke kelaaf korise kelay koile joi phelide thaga nemide.
Wednesday din Rajya Sabha deh Citizenship Bill laga kotha kori thaga time para Assam deh chamela toh ola thakise. Guwahati aro state laga parts deh thousands students aro civil society members khan cops ke laka-laki hoise.
Sunday morning police firing para tuita manu morise. Nai nai koilebe tusara 27 nesana manu khan Gauhati Medical College and Hospital nesana hospitals deh admit hoise.
Hoilebe state deh gondogol laga levels toh namise aro alak alak areas majode state laga sobse dangor city, Guwahati nesana deh curfews free hoise.
Saturday deh pathor mara, gari jolaideya aro property beya kora record hoise. Bhaskar Jyoti Mahanta, the Director-General of Police (Assam) koise, beya manu khan protests deh dekthari debole kora khan ke arrest hoise. 85 opor manu khan ke arrest korise.
Violence toh neighbouring state West Bengal deh be hoise. Tati trains jolaideshe aro rasta bondh korise. Sunday deh konbah districts deh Internet Services suspend korise. ANI hisaab deh, Malda district deh 48-hour nemide suspend korise.
Add Comment