Noida, 15 December: Sal 2017 para environmental norms laga violations nemide penalty jama howah Rs 381.97 crore ase. Etu khobor toh hoile RTI para question kora ke ekta official para janaideya laga ase.
2017-18 deh Rs 31.86 crore jama hoise aro 2018-19 deh Rs 227.94 crore jama hoise. Etu toh hoile Central Pollution Control Board (CPCB) para Right to Information (RTI) Act pithor laga query ke jawab deya laga ase.
2019-20 deh October 31 tak Rs 122.27 crore compensation jama hoise. Etu toh hoile CPCB para Noida-based RTI activist Ranjan Tomar laga question ke jawab deya laga ase.
Ministry of Environment, Forest and Climate Change pithor deh kaam kora CPCB toh paani aro hawah ke bachabole aro control kuribole nemide central government ke samjaideya laga ase.
CPCB be state pollution control boards laga activities aro tai khan majode laga chamela thek kuribole zamidari loi.
Mr Tomar koise, tai be CPCB para last tin sal deh environmental violation laga total number register howah ke janibole mon ase. Hoilebe agency para enaga data toh maintain nakorae koise.
Tai koise, “CPCB para agae deh moi laga RTI query ke jawab deshe environmental vionaltion laga eku data nai koikena case bondh korise. Nejor para case toh khulishe aro ami ke poisa jama howah laga reply deshe”.
Add Comment