World Junior Wrestling Championship de India

New Delhi, 14 September: Friday din national federation (WFI) pora jenaideya toh, Slovakia jaga de September 17 pora 23 tak World Junior Wrestling Championship thakibole laga de 30-member team toh India karni hesha (represent) thakibole ase koise. Tati 30-member team laga de 10 women be meli-kena ase koise. Asian Championships de ektum phal pora kothom howah bechide, World Junior Championship debe wrestlers khan jetibole kosish koribole ase. Asian Championships de, aro Junior Asian aro Cadet championships de tuita gold jeti kena thaga meli-kena India pora eight medal loi-kena ase. Tin-sal medals lobule na-pari kena thaga bechide India pora bronze lobule pari kena thaga toh men’s freestyle, greco-roman aro women’s freestyle de ase. India pora world juniors de gold jeti kena thaga toh 17-sal agae de thakise. Etu time pora India khan yellow medal toh lobule na-pari kena ase. Aji-kali laga khelari Deepak Punia, Sachin Rathi, Suraj aro Sandeep Singh Maan khan toh yellow medal lobule kosish koribole ase. WFI president, Brij Bushan Sharan Singh pora kowah toh, tai Slovakia  jaga laga de youngster khelari khan logode ektum biswas ase koise. Coaches aro khelari khan ektum dukh kori ase aro tai tai-khan laga khel de ektum biswas ase koise. Tai khan aim kori thaga toh dangor hobo aro sob age groups de ektum phal pora khelibole ase koise.