Headlines • Kohima • Nagaland

Chizami deh 9th Women’s Day manaise

December 21, 2019
174 Views

Chizami, December 21: Chizami Women Society (CWS) para December 20 direk Theza, Chizami village deh 9th Chizami Women’s Day programme loise. Programme laga theme toh  ‘Women of integrity’ thakise. Event deh sob melikena 700 opor manu hisha lowah ke Chizami maike aro community leaders, village development board, students union, youth society aro well wishers melikena ase.

Chairperson, CWS, Kezunyipeu Tsuhah para CWS laga kamiyaab opor deh koise. Tai para tai laga predecessors, aji kali laga colleagues aro village council aro tusara departments para hotai support kora aro encourage kora opor deh ektum kushi powah janaise.

Tai para maike khan entrepreneurial skills develop kuribole aro farming laga giyan thakibole koise.

Guest speaker Rukewelo T Mero, Superintendent of Police (SP) Peren para maike laga integrity kobole nemide ek-jun toh discipline, diligent hands, hard working, healthy aro tuara ke healthy thakibole, jevaan opor deh phal attitude aro self reliant thakibole koise. Tai para jama howah khan ke hosiyar kotha koise. Tai koise idle mind toh devil’s workshop’ ase. Etu para ek jun toh diligent hands thakibo lakae aro productive activities deh engage thakibo lakae.

Wepeteu Naro, former chairperson, CWS para jama howah khan ke kotha kora time deh alak alak fields deh maike laga progress aro kamiyaab opor deh kushi powah janaise. Tai para be alak alak levels deh maike khan leadership gara kuribole nemide focus thakibo lakae koise.

Ami khan laga worth aro potentials recognize nemide nejor laga self-worth recognize kuribo lake aro trustworthy manu hobo lakae. Ami khan laga community phal para othibole nemide gender laga basis deh kaam alak nakoribo lakae.

Programme laga tusara highlights deh ‘Node-kede Chelie’ (agricultural work song) competition, open discussion, special performances, aro report presentations melikena ase.

CWS toh 1984 sal deh bona laga ase. Etu toh hoile maike laga right ke bhachabole aro othabole, maike laga pura development nemide kaam kuribole aro local culture aro ecology bachabole aro promote kuribole laga aim para bona laga ase. 

25th anniversary nemide mana bechide CWS para annual Chizami Women’s Day toh sal 2010 para mani ase.