Dimapur • Nagaland

Dimapur DPDB meeting te guidelines nathaka sob Industrial Units Est hatabo koise

February 21, 2020
27 Views

Dimapur, 21 February: February moina nemide monthly Dimapur District Planning & Development Board meeting toh 20th February 2020 te DC Dimapur laga conference Hall te loise.

DC Dimapur, Anoop Kinchi, IAS toh Vice Chairman DPDB Dimapur be hoi. Tai DPDB meeting te chaired thakise aro sob board members ke welcome korise. Meeting te last time laga meeting residential areas aro schools te brick kilns aro stone quarries thaka opor te aro saijaise. DC Dimapur koise, ekta committee toh members nemide DIC, Geology & Mining, Pollution board, labour department aro district administration thakikena bonaishe. Concerned departments para factories/ industries toh manu aro environment te dekthari nadikena lakiya norms aro guidelines hisaab te bonaishe na nai saijabo. Tai para be Bank para PMEGP pithor te loan kelay debole mananai etu opor te saijabo karni committee bonabole suggest korise.

Departmental activities present korikena EE PWD (R&B) Er. Tali Temsu Jamir para power point presentation thek para deshe. Tai para Dimapur te 25 ongoing road work laga status opor te janaishe aro CSS pithor te road projects jai thaka janaishe. Tali hisaab te, Connectivity toh besi othise hoilebi maintenance laga dekthari toh othi thakae. Etu issue te toh saijabo lakae aro para tak joldi thek kori debo lakae. Etu nemide political support toh laake. Tai hisaab te, social aro economic development te laab toh phal transport infrastructure thakise koile he pabo. Tai koise, ke laga technical design te be hobi sob rasta te regular aro timely maintenance laake.

PWD Housing Dimapur and Fire and Emergency services para be tai khan laga departmental activities present korise.

Meeting te notun school khelibole nemide plan kora naam, Salt Brook School Tenyiphe-I, E- Khel, Chumukedima, Amazing Grace School, Seithekima-A, Chumukedima, Centurion School, Urra Village, Dimapur, Change of nomenclature of Paramount Educate Montessori to Paramount Educare School toh Board members para higher authority ke recommend korise. Board members para be Shem Education Society Diphupar laga plan registration nemide recommend kuribole manishe.

Power department aro Nagaland State cooperative Bank ke next DPDB meeting te departmental activities present kuribole nemide assignment deshe.