Dimapur, 22 February: Renowned designer Ritu Beri ke toh Nagaland maike khan para kelaaf kori ase kelay koile Nagas laga sentiments te jokhom kora nemide.
Chakhesang Women Welfare Society para designer Beri ke kelaaf korise kelay koile Suraj Kund Crafts Mela te tai para agiya naloikena Chakhesang traditional shawls showcasing kora nemide. Society laga executive director, Vechulo-u Kanuo para Thursday din ashrut howah aro mon bekha janaise kelay koile Beri para Chakhesang Nagas’ traditionally woven shawls te mock kora nemide.
Traditional shawls toh tai khan para bonaise aro pura sal bachaikena rakhise.
Society koise, Chakhesang Nagas logode tusara Nagas melikena designer Beri ke gara condemn kori ase kelay koile tai laga collection te traditional Naga designs aro ethnicity toh misuse kora nemide.
Shawls toh Suraj Kund Crafts Mela te theme “Naturally North-East: The Naga Narrative” te dekhaise.
Kanuo koise, “Ami khan toh tai para Naga heritage te enaga sorom bona nemide gusha ase”.
Tai koise, Ami khan laga traditional shawls aro attires toh ektum meaning aro ami khan laga sentiments te melikena bona laga ase.
Society koise, Beri para ami khan laga culture misrepresent kroa toh Nagas aro forefathers ke insult kora laga ase. Ami khan laga sentiments ke ektum jokhom paise aro tai para beya kora toh repair kuribole napara laga ase.
Society para shawls aro mekhalas laga rightful owner hisaab te enaga enaga misuse kora ke kelaaf korikena law laga provisions hisaab te sob legal recourses lobo koise.
Aro kondu individual/groups hoilebe community laga attires toh galdi najolabole hosiyar janaise.
Add Comment