Kohima, 31 March: Deputy Chief Minister of Nagaland, Y. Patton para tai laga official residence jaga te 7000 masks aro 1500 Hand sanitizers each toh Police Department aro Medical department ke deshe.
Consignments toh Nagaland DGP T.J Longkumer aro Principal Director Directorate Health and family welfare, Vizolie Soukhrie para tai laga Cabinet colleagues, Advisors aro department officials thakikena loise.
Patton para tuita departments laga kaam opor te ektum kushi powah janaishe aro departments ke be support kuribole aro kebah-kebi motob lakae te debole janaishe.
Tuita departments para Deputy CM ke ektum kushi powah janaishe aro etu para hosha ke be kaam kora khan ke mondangor koribo koise.
Patton para media manu ke kotha kora time te koise, Cabinets para Dimapur district te April 1 laga 6 am para pura bondh kuribole fesla korise.
Fesla toh March 30 direk cabinet meeting lowah time te fesla korise aro etu bondh kora samai te ke kaam laga hoilebi nakhulibo.
Patton aro koise, Dimapur te 144 CRPC toh lakabe lakai kena ase hoilebi etu toh olob loose howah nesana ase. Etu para government toh pura state nemide aro besi stringent rules para agae ahibole sai ase.
Patton para be sob citizens khan state para orders deya te manibole aro social distance maintain kuribole koise.
Add Comment