Headlines • Kohima • Nagaland

Police officers, jawans laga dhanka nakatibo: Nagaland DGP

March 31, 2020
64 Views

Kohima, 31 March: Tuesday te Nagaland DGP John Longkumer koise, Nagaland Police department para  Chief Minister’s Relief Fund (CMRF) nemide police officers aro jawans laga ek-din dhanka katibole laga enforce kora nai.

Nagaland director general of police (DGP) para clarification aha toh agae din COVID19 te fight kuribole nemide CMRF te ek din laga dhanka katibole kotha ola nemide ase. Nagaland police chief John Longkumer para Tuesday te koise, “Police Department para CM Relief Fund nemide police officers aro jawans para ek din laga dhanka katibole enforce korise kowah galdi report toh thakise. Etu toh hosha nahoi”.

Tai koise, Etu samai te Chief Minister’s Relief Fund te motob debole laga toh pura voluntary ase.

Nagaland DGP koise, IPS aro NPS Association aro Police Headquarters te branches para voluntarily Chief Minister’s Relief Fund te Rs 25 lakh deshe.

Tai koise, Motob deya toh voluntary ase aro jawan nohoile officer para hobi motob deya te manibo aro poisa toh fixed nai.

Tai aro koise, “Etu poisa toh contributor para fesla kora laga ase. Rs 10 nahoile Rs 10,000 hobi etu toh individual opor te ase.

Nagaland DGP koise, “Ami khan para fesla korise deya toh Christian virtue ase koikena ase aro kon para hoilebi be question nohoile judge nakoribole laga individual laga fundamental right te”.

Tai etu clarify para eku doubts nahobole biswaas howah janaishe. Tai aro koise, judi kon hoilebi aro question thakise koile tai khan Facebook, Twiter accounts te kobole koise.

CMRF te motob deya laga khobor Nagaland chief minister Neiphiu Rio para tweet te janaishe. Tai koise, “@DGP_Nagaland  logode President & Gen. Secy of @IPS_Association #Nagaland & President NPS Assoc. para 25L laga ekta cheque toh Assoc laga behalf te CMRF te deshe. Ami tai khan laga reverential service ekala te nohoikena tai khan laga generosity & magnanimity nemide ektum dhandyaabad ase.

Nagaland deputy chief minister Y Patton para be tweet te koise: “Frontline heros para aro korideshe! Shri T.John Longkumer, DGP, President & General Secy of IPS Association, President of NPS Association aro tusara sob kon CM Relief Fund nemide Rs 25 lakhs donation te motob korise etu khan ke ektum dhandyaabad. Ami laga thanks toh kotha ekala kafi nahoi”.