Hara bechide be L Sarita Devi pora bronze loise

New Delhi, 15 September: 13th Silesian Open Boxing Tournament de purana world champion L Sarita Devi (60kg) pora bronze medal loi-kena ase. Tati laga de India’s junior boxers khan ring de agae ase. Sarita be besi par Asian champion, purana Asian Games bronze-medallist ase. Tai Friday din Lovlina Borgohain (69kg) aro Pooja Rani (81kg) logode semi-finals campaign kothom howah de join howah thakise. Final de bonabole pari-kena thaga toh MC Mary Kom (48kg) aro Manisha (54kg) thakise. Aro purana youth world champion Jyoti Gulia (51kg) toh youth finals de ase. Sarita toh Kazakhstan’s Karina Ibragimova logode 0-5 pora harise. Hoilebe, tai etu hari kena hoilebe bronze lobule parise. Lovlina toh Poland’s Karolina Koszewska logode 1-4 pora harise.  Pooja be Agata Kaczmarska logode 2-3 pora hara thakise.  Etu agae de (earlier), Indian junior boxers khan ektum phal performance pora 13 medals lowah thakise. Etu medal khan toh six gold, six silver aro ek-ta bronze lowah thakise. Top de thaga khelari khan toh Bharti (46kg), Tingmila Doungel (48kg), Sandeep Kaur (52kg), Neha (54kg), Arshi Khanam (57kg) aro Komal (80kg) thakise. Silver medal nemide Amisha Bharti (50kg), Sanya Negi (60kg), Dinesh Naik (63kg), Sanjay Gunele (66kg), Raj Sahiba (70kg) aro Lipakshi (+80kg) thakise.