Dimapur, 01 April: Tuesday te NSCN (IM) koise, Indo-Naga political chamela te, Nagas laga unique history laga principle te namana ke agreement hoilebi solution nai. Naga manu toh principle based solution nemide ase.
NSCN (IM) koise, Nagas laga politics toh tai khan laga unique history laga rock te bona laga ase.
Aro koise, Centre para Nagas laga unique history recognise kuribole laga toh bold aro historic step ase.
NSCN (IM) koise, 2015 te Centre aro NSCN para framework agreemtn sign kora hisaab te, Nagas laga unique history toh hoile suru samai para free aro sovereign manu thakise aro tai khan toh Union of India nahoile Burma laga part nohoile kondu power para hoilebi thakanai. NSCN (IM) koise, agreement toh Nagas laga recognised unique history aro sovereignty aro tuita desh majode mela-meli thakibole laga sovereign te ase.
Mela-meli thaka para Nagas aro Indians toh tuita desh mela-meli thaka hobo nohoile Nagas toh Union of India logode mela hobo.
NSCN (IM) koise, ekta haat te framework agreement toh tuita manu majode meeting point hobo aro tusara te sob Nagas nemide uniting point hobo. Etu agreement toh tuita manu majode notun sambaan bona suru kuribole ase.
Naga rebels aro koise, agreement toh India laga security aro Nagas laga sovereign right te manikena lowah laga ase.
Agreement opor te NSCN (IM) koise, “Tuita side para ekta ekta laga positions buchise aro democracy sovereignty toh manu logode thaka opor te aware ase. Nagas laga sovereignty toh Naga manu logode ase aro India laga sovereignty toh Indian manu logode ase. Framework Agrrement toh principle based ase”.
NSCN leadership para Indian representative ke assure korise tuita entities toh etu agreement laga doctrine te eki thaka nemide etu te kenaka hoilebi thakibole.
Centre’s representative for Naga talks aro present Nagaland governor R.N. Ravi para be assure Nagas leaders ke assure korise India laga government be framework agreement te thakibole nemide.
NSCN koise, kon Framework Agreement te kelaaf kori etu toh India laga government te kelaaf kora laga ase. Aro koise, Nagas laga sovereign right te kelaaf kora ke laga agreement hoilebi solution nahoi.
Outfit koise, “NSCN toh sob Nagas nemide ase tai khan nohoile tai khan territories te hoilebi. NSCN toh Naga manu laga part nohoile tai khan territories laga part nai. Konbah para kowah nesana NSCN para integration laga issue te ketibe har mananai. Ami khan sob etu galdi janaideya te hosiyar thakibole koribo”.
PAN Naga Hoho opor te NSCN (IM) koise, etu toh ekta statutory cultural body ase. Etu toh sob Nagas ke hold kora laga ase aro tai khan laga affairs culture, social, customary, language, dialect, integrity logode deals kori.
PAN Naga Hoho toh Centre para plan kora laga ase aro etu te eki manija laga ase.
Add Comment