Agencies, 01 April: Naglaand government para state te thaka churches para eki religious congregation nalobole janaishe kelay koile etu para public health aro safety nemide lockdown kora samai te manu khan besi jama howah toh thakibo pari koikena.
Principal secretary, home, Abhijit Sinha para etu advisory deya toh hoile Sunday din konbah churches para services loise aro manu khan besi jama howah thakise koikena reports ahiya nemide ase.
Advisory koise, enaga religious congregations toh public health aro safety nemide ektum kathara ase.
Nagaland cabinet para Covid-19 pandemic te bachibole aro fight kuribole nemide Monday din fesla korise judi retire hobole thaka medical personnel, (doctors, nurses, technicians aro paramedics) judi service debole monjaile tai khan karni aro tin moina othaidebole korise.
Health and family welfare department ke manishe thaki thaka doctors, nurses aro paramedics laga vacancies toh contingency b asis te fill kuribole.
Cabinet para medical personnel laga sob appointments toh transparent manner aro strict term aro conditions te koribole koise kelay koile kali-porsong dekthari howah laga nathakibo nemide.
Add Comment