Washington: Komti hoilebi be ekaro(11) Indian manuh COVID-19 bemari para United States teh morishe aro 16 jun ke positive durikena ase. United States teh COVID-19 para 14,000 manuh laga jaan jaishe aro four lakh oper manuh etu para bemar hoikena ase.
Indian manuh kuan khan US te etu bemar para morishe sob tuh motha ase, dost(10) jun tuh New York te thaka khan ase aro ek(1) jun tuh New Jersey area para ase. Morai bethor teh char(4) tuh New York City te taxi driver thakishe. New York City te 1,500 manuh jaan jaishe aro 48,000 neshena bemar koikena ase.
US teh New York City tuh COVID-19 bemar laga epicentre ase. Konti kura hesab te 6,000 oper manuh morishe aro 1,38,000 bemari cases ase.
Khobor koria tuh ekta (1) Indian manuh coronavirus bemar para Florida te morishe. Authorities khan para aro States of California & Texas te Indian origin manuh ase na nai besari ase koise.
16 Indian bethor te char(4) jun tuh maiki ase aro sob manuh tuh coronavirus positive test hoikena self-quarantine re ase. Tai khan tuh soh alak chaka laga ase, 8 jun tuh New York para ase, tin(3) jun tuh New Jersey para ase aro baki sob tuh Texas aro Californai ase. Indian manuh khan tuh Uttarakhand, Maharashtra, Karnataka aro Uttar Pradesh laga state te thakai khan ase.
Indian Embassy aro consulates para United States te local authorities aro Indian-American organizations logot meliakena Indian nationals aro students khan COVID-19 bemari manuh khan motob kurite ase.
Officials koise, virus tuh nephelibo nemite travel restrictions & regulations tuh kara para jaiase. Local city officials para he manuh morai khan laga sevice tuh loitey aro beshe wala tuh morija laga ghor manuh khan ke be moria chaka te ahiboli mana ase koise.
Add Comment