Singapore: Saturday, Singapore te 191 Notun coronavirus cases khobor hoise etu bethor te 51 Indian kam kora manuh khan be ase. City-State te COVID-19 bemari manuh khan sob milaikena 2,299 hoise.
Health Ministry koise, Saturday phujur te 90 sal bura manuh ekta COVID-19 infection para morishe. Etu milaikena virus para manuh morai tu 8 jun ase koise.
191 coronavirus bemari khan sob thu nejor chaka te lagai ase aro 51 manuh tuh foreign workers laga dormitories(room) para infect howa ase.
March 29 den te first case tuh dormitories(room) para dureshe. 943 hospitalized bethor te 31 jun tuh COVID-19 bemari para intensive care units (ICU) te serious ase.
Saturday te ministry koise, 35 bemari khan tuh hospital aro community isolation facilities para discharged kurishe. Aro koise, 528 jun tuh bemar bhal bhal hoise.
14 cases neshina manuh ke infect howa tuh Indian origin mega store Mustafa Centre para ase koise, etu chaka tuh manuh beshe bemar thaka chaka koikena declare kurishe aro 78 bemari cases ase. Etu dhukan tuh bemar nepeliboli bondh hoise.
Local media khobor hesab te Singapore sorkari para dormitories(rooms) tuh bhal hobole nemite beshe kam kuriase aro kam kora manuh room tuh alak chaka te Housing Development Board flats aro Army facilities te luijaishe koise.
Add Comment