GUWAHATI , April 13, 2020 : Ministry of Home Affairs para Monday te gratis basis te regular visa, e-visa aro phasikena thaka foreign nationals laga stay stipulation toh April 30 tak uthaidishe.
Bishi foreigners khan desh te phasikena thakibole olaishe etu bi March 24 te nationwide lockdown huwa pichede.
Ministry koishe “etu foreigners khan laga Regular visa, e-visa or stay stipulation, kun khan India te phasikena ase duniya te Covid-19 phela time te aro Indian authorities khan para travel restriction kurishe aro kun khan laga visas t oh February 1(Midnight) to April 30 (Midnight), te khotom hobole thaka toh akhe kuridibo April 30, 2020 (Midnight) tak GRATIS basis, te foreigners khan para online application kura pichede.”
Olop akhe te centre khan manishe sob tourist visas toh April 5 tak bondh kuribole nimete COVID-19 nephelaidibole nimete.
Union Health Ministry kuwa hisaab te Etia India te covid -19 para mura manu laga number toh 324 te uthise aro cases toh 9,352 hoishe .
COVID-19 phela bole rukhabole nimete government khan para primary medical infrastructure uthabole bhabona kuri ase etu te dedicated hospitals, isolation beds, ICU beds, and quarantine facilities khan ase.
Ordnance Factory Board khan para specialized tents khan bonaishe remote areas khan te medical infrastructure uthabole nimete.
Add Comment