AIZAWL , April 13, 2020 : Kolasib district Mizoram COVID-19 Bilkhawthlir South local task force laga volunteers khan para Saturday te 10 pm nishena Assam te ghussa samay te 21 migrants workers khan ke thurishe.
Etu migrant workers khan toh Aizwal laga alag alag localities te thakishe.North Tripura te thaka charikena dusra khan toh Karimganj district Assam te jai thakishe.
Kolasib Superintendent of Police koishe “Tai khan toh Aizwal laga truck te berai thakishe etu gaari laga driver toh thik laganai tai khan ke thuribole nimete tai para Kolasibo osorte rakhidishe etu pichede tai khan laga jungle te jaishe hoilebi tai khan ke local volunteers khan para thurishe.”
Etu manu khan ke Saturday rati te Kolasib Police station te luijaishe .Aizwal te wapas phutabole laga nohoile toh Karimganj district authorities ke dibole laga decision toh pichede te lobo.
Tai khan screening lobo. Kolasib SP koshe poila te drug addicts aro alcoholic kun khan Assam te ghussibole kosish kura te dikdaar paishe.
Assam, border te thaka Vairengte town te komti hoilebi 100 nishena element khan thurishe aro quarantine te rakhikena ase.Aro kunba toh police lockup te rakhikena ase.
Assam, laga Bairabi te bi komti hoilebi 40 nishena drug addict kun khan ke thurishe Assam te ghussibole kosish kura samay te thurishe.
Add Comment