International

Russian hackers para Covid-19 vaccine research chor kuriase: Khobor

July 17, 2020

London. July 17, 2020. Wednesday din te Russia laga defence ministry koishe ke, tai khan para coronavirus vaccine tuh safe bonai-kena ase.

Etu khobor tuh besas ekta te ahishe, keli koile Duniyaa te thaka desh sob para bemari logot larai koriase. Hoilebi, Russia te notun bemari ola nemite bhapana besi ase koishe. Thursday din te United States, British aro Canadian government para koishe, hacking group ekta besas ase ke Russian intelligence service ase koikena, Covid-19 vaccine bonai thaka organisations khan logot target koriase koishe. Etu group tuh APT29, ase koishe, etu khan para Duniyaa sob te organizations ke beya kori thiase koikena UK laga National Cyber Security Centre (NCSC) para advisory te koishe. APT29, logot be “the Dukes” or “Cozy Bear”, koi, etu khan para alak-alak tools aro techniques choi koishe, etu oper te spear-phishing aro custom malware koikena “WellMess” aro “WellMail”, ase, National Cyber Security Centre (NCSC) para janai thishe.

Etu kam tuh Canadian Communication Security Establishment (CSE), the US Department for Homeland Security (DHS), the Cybersecurity Infrastructure Security Agency (CISA) aro claga partners khan para be support kurishe. APT29’s para campaign kam tuh government  kelaaf te jaiase ari tai khan para diplomatic, think-tank, healthcare aro energy targets kurikena khobor bhal tuh chor kuriase, advisory para koishe. “Russian Intelligence Service para coronavirus bemari logot laria kuri thaka manuh logot target kura tuh ami khan kushi napai aro tik nahoi”,  koikena UK laga Foreign Secretary, Dominic Raab para statement te koishe. “etu samay dosura manuh para tai khan nejor bhal nemite kam kura tuh nahoi, UK aro tai laga partners khan tuh mon thikena vaccine besari ase aro Duniyaa laga bemari logot thur thakibole kuriase”, statement para aro koishe. Olop din ake te National Cyber Security Centre (NCSC) para APT groups khan para national aro international Covid-19 responses logot target kuri thaka nemite warn kurishe. National Cyber Security Centre (NCSC) para aro koishe ke, UK, US aro Canadian vaccine research and development organizations para APT29 khan para target kuri thaka khobor tuh jane koishe.