Agencies, 17 July: Friday te Bharat Biotech’s anti-COVID-19 vaccine Covaxin laga human trial toh Rohtak’s Post-Graduate Institute of Medical Sciences te suru korise. Etu khobor toh Haryana Health Minister Anil Vij para tweet te janaideya laga ase. Vij toh Home and Science & Technology minister be hoi. Tai koise, Bharat Biotech laga Corona vaccine (COVAXIN) te human trial toh aji (17th July) PGI Rohtak te suru korise.
Vij para tweet te aro koise, “Aji tinta subjects be enrolled korise. Sob para vaccine te thek para tolerate korise. Adverse effects nai”.
Bharat Biotech ke etu par anti-Corona vaccine Covaxin laga clinical trials suru koribole nemide desh laga drug regulator para approval powa thakise.
Desh te seven anti-corona vaccines toh alak alak stages te ase aro etu te tuita toh human clinical trials nemide approval paise.
Etu moina agae hapta phalli Zydus para anti-COVID-19 vaccine laga human trials nemide authorities para approval paise kowa thakise.
Add Comment