New Delhi: July 19, 2020. Bollywood industry khan aro besi loss hoikena director Rajat Mukherjee, July 17 darik morishe jaishe. Tai mora tuh kidney failure thakishe aro lungs te infection thakishe koikena Filminformation.com para khobor thishe. Rajat Mukherjee laga directing movies tuh- – Pyaar Tune Kya Kiya, Road, Love In Nepal (starring Sonu Nigam) aro Umeed ase. Tai tuh coronavirus lockdown janai deya bechete, tai laga home town Jaipur te thakishe. Tai logot kidney problem thaka nemite hospitalized hioshe. May moina te hospital para discharged kurikena dialysis loboli soruh hoishe. Rajat Mukherjee mora khobor honikena, Bollywood celebrities neshina– Hansal Mehta, Manoj Bajpayee, Anubhav Sinha aro dosura manuh khan para mon dhuk kora khobor social media te janai thishe.
Late director laga purana kisa yaat ahikena, Hansal Mehta para lekishe ke “ami laga bhal sati morai laga khobor etai hoishe. Rajat Mukherjee kuan para Pyaar Tune Kya Kiya aro Road film directed korishe, tai tuh ami laga purana, besi purana Bombay laga sati ase. Khana besi aro Old Monk bottles kai thakishe. Dosura duniyaa aro besi kabo, ami khan besi miss koribo”. Anubhav Sinha para koishe, “dosura sati besi jolti jaishe. Director Rajat Mukherjee (Pyar Tune Kya Kiya, Road), tai tuh boila jaa moina Jaipur te health bemari tuh besi thakishe. Sati bhal para jabi”.
Actor Manoj Bajpayee para lekishe ke, ami laga sati aro director of Road, Rajat Mukherjee, Jaipur te aji phujur bemari logot latai kori thakina morishe!!! Rest in peace Rajat! Etai be besi nai ke aro tuh lok naloribo aro ami khan laga kam nemite kotha koriboli naparibo.khush reh jaha bhi reh.
Add Comment