Agencies, 19 July: Sunday din Prime Minister Narendra Modi para seven states — Bihar, Assam, Andhra Pradesh, Telangana, Tamil Nadu, Himachal Pradesh, aro Uttarakhand – laga chief ministers logode kotha korise. Sources koise, PM Modi para tai khan logode nejor states laga novel coronavirus infection laga situation opor te kotha korise. Tai para be Bihar aro Assam laga flood situation opor te kotha korise.
Health Ministry koise, India’s case fatality rate (CFR) toh name ase aro aji kali 2.49 percent toh duniya te ekta sobse komti wala ase. Ministry koise, “CFR toh nami ase aro aji kali etu toh 2.49 percent ase. India toh duniya te ekta lowest fatality rates ase”.
Jaija 24 hours te 39,000 nesana notun cases report howa logode total coronavirus infections number toh 10.7 lakh te othise. Komti hoilebe 543 mora report hoise. Etu para mora toh total 26,816 ponjishe. Active patients toh 3,73,379 ase aro 6.7 lakh nesana patients toh recover howa be hoise. Maharastra toh ektum affect howa state te ase. Saturday te Maharastra te three-lakh mark par hoise aro Mumbai para etiya tak 1 lakh opor coronavirus cases report korise. Duniya te 14 million opor manu ke infect korise aro 602,656 morishe.
Add Comment