Agencies, 19 July: Sunday din official statement deya hisaab te, Asaam te flood para arobe five jun morise aro 25 lakh opor manu ke dekthari paise. Assam State Disaster Management Authority (ASDMA) para khobor deya hisaab te, Ekta ekta mora toh Baghbar in Barpeta district, Baganpara in Baksa district, Bilasipara in Dhubri district, Mayong in Morigaon district aro Kaliabor in Nagaon district para report hoise.
Etu sal floods aro landslides para mora toh 110 te othise. Etu 110 te 84 toh flood para hatsa howa te melikena ase.
ASDMA koise, 25.29 lakh opor manu ke dekthari powa toh- Dhemaji, Lakhimpur, Biswanath, Darrang, Baksa, Nalbari, Barpeta, Chirang, Bongaigaon, Kokrajhar, Dhubri, South Salmara, Goalpara, Kamrup, Kamrup Metropolitan, Morigaon, Nagaon, Golaghat, Jorhat, Majuli, Sivasagar, Dibrugarh, Tinsukia aro Cachar districts te flood howa nemide ase.
Goalpara toh ektum dekthari powa jaga ase. Tati 4.53 lakh opor manu dukh pai ase. Etu bechide Barpeta (3.44 lakh nesana) aro Morigaon (3.41 lakh nesana) ase.
Saturday tak 27.63 lakh opor manu toh 26 districts te flood howa para affect hoise.
Add Comment