Dimapur DTF para Cloth Masks bonabole fesla korise

Agencies, 20 July: Deputy Commissioner Dimapur Anoop Kinchi IAS para Dimapur District Task Force members laga meeting 20^th July 2020 te loise aro Dimapur District te COVID-19 pandemic te mela issue opor te kotha korise.

Society laga poor section para disposable masks hotai kenibole napara opor te monchinda korikena, meeting te kapura tholabole para laga mask toh  bonabole aro free para debole fesla korise. Meeting te, Anoop Kinchi para khor te medical waste ola toh phal para phelabole opor te koise kelay koile COVID-19 spread howa nathakibole nemide. Aro etu nemide DMC ke   special mechanism olabole kaam deshe. Members para be  higher authority ke recommend korise sob private hospitals te Truenat testing nemide aro besi risk group laga manu ke antigen test nemide.                                    

DC Dimapur para doctors toh community transmission nathakibo nemide contact tracing te kaam kori ase koise. Etu para virus para dur thakibo nemide citizen khan hotai guidelines follow koribole koise.

Meeting te be shop timing toh 9 am to 2 pm te joli thakibole fesla korise aro shopkeepers aro shopers ke lockdown guidelines te manibole janaishe. Shopkeepers aro public ke be hosiyar janaise masks nalaka khan ke saja debole aro par par guidelines namana khan ke gara saja debole koise.

Deputy CMO, Dr.Antoly koise, etu toh sob manu aro colony/ village elders laga zamidari ase awareness bonabole aro Programmes te follow koribole nemide.

Tai para be ami khan situation te adjust hobole, ami khan laga lifestyle toh social distance maintain korikena, mask lakai kena aro hand hygiene manai kena aro etu opor te hosiyar thakikena putli hobole bhabona howa janaishe.

Meeting te members (Director CISHR Dr Sedevi, DCCI official Shikuto Achumi aro tusara besi jun) para be social awareness bonai thakibo nemide gara community training continue kori thakibole lakiya bhabona howa janaishe.

Meeting te CISHR logode melikena training programmes lowa toh joli thakibole aro PA system para announce kora be colonies aro villages te cover kori thakibole fesla korise.

Meeting te CP Dimapur, DMC administrator aro DTF Dimapur laga sob tusara members thakise.