DIMAPUR,21 JULY 2020: Dimapur city toh 21st July 2020, te 2 pm pichede law enforcing agencies khan para District administration khan logote milikena lockdown guidelines khan kara para dikena khali dikhishe.etu uporte sob dukaan khan 2pm huwa pichede bondh kuri thakishe aro manu khan bi bishi berai thaka dikhanai.
Aro khobor te janaishe ki DTF Dimapur laga meeting 20thJuly te luwa time te house khan manishe kara para lockdown rules chulabole nimete etia laga situation khan dikhekena etu bi COVID-19 pandemic nimete.etu hisaab te Commissioner Police Dimapur, Rothihu Tetseo IPS, para hokum dikena , traffic barricades khan major traffic intersections khan district te 2pm pichede City Tower junction, NL Road, Dhobinala, Nagarjan point aro Veterinary point te halidishe.tetso para hosiyar kuraishe ki raasta te bikers aro cycle chula manu khan misa mishi berai thaka aro non essential traffic te berabole nadibo 2pm pichede aro koishe judi etu mananai koile toh penalized kuribo exempted category te thaka khan charikena .
Etia DC Dimapur Anoop Kinchi IAS para aro bi dhamki dishe ki manu khan berai thaka toh 2pm pichede kuribole nadibo aro dhamki dishe ki defaulters khan ke Disaster Management Act 2005 bithor te sajaa dibo .tai para aro bi dukaan malik khan ke koishe khulibole aro bondh kuribole laga samay guidelines diya hisaab follow kuribole janaishe.
Dimapur District administration and Police para public khan ke modot mangishe milikena etu pandemic logote ladai kuribole nimete.
Add Comment