Nepal Police para firing kurikena Indain manuh ekta jokom hoishe

July, 21,2020.Indo-Nepal border Fatehpur, Bihar laga Kishanganj district te, Nepal Police para gooli marai te India manuh ek jun jokom paishe koikena Police para janai thishe. Police para koishe, etu howah tuh, Saturday, 7:30 neshina, jawan choka ekta aro sati tuita(2) logot border area tai laga janwar besari kena jaa  samay thakishe. Nepal Police khan international border te thaka khan para etu manuh khan ke gooli marishe. Etu chokra khan laga nam tuh Jitendra Kumar Singh, Ankit Kumar Singh aro Gulshan Kumar Singh, thakishe koikena Sunday din te Police officials para koishe. Police para koishe ke, Jitendra Kumar Singh logot gooli para hath te laki-kena jokom hoishe. Etu samay, Singh ke jolti kurikena Tehragachh laga primary health center te elach nemite loikena jaishe, etu beche tai ke Purnia te referred korishe. Bihar police para case tuh investigate kuriase. Situation tuh sai ase aro Nepalese authority logot kotha koiase. Etu incident nemite local manuh pithor te bhapana besi hoiase koishe. Jaa moina te be Nepal Police khan para gooli marikena Indain manuh ekta morishe aro tui(2) jun manuh logot jokom paishe.