Beijing: July 21, 2020. China te jabole nemite passengers khan para COVID-19 laga negative test result thikaboli lage koikena Tuesday din te China’s aviation authority para janai thishe. Government khan aro bahar laga coronavirus cases komti koriase, keli koile international travel samay bemar beshi othiase koishe. Civil Aviation Administration of China (CAAC) para website te koishe ke, Nucleic acid tests tuh pas(5) din pithor te kotom hobole lage. Test kora tuh facilities thaka chaka te lobo lage nohoile Chinese embassies para recognized kurikena thaka chaka te loboli koishe. Embassies para kam tuh bhal te saikena host countries laga testing capacity oper te aro travel procedure pithor te testing lowah samay thakibo koikena CAAC para koishe. Etu khobor tuh China te testing capacity aro speed kam tuh dhuk paa nemite ase. United States te, test result laga receipt paboli tui(2) hafta nahole tin(3) hafta deri hoi koishe. Etu samay dosura desh te, nucleic acid test tuh juan manuh khan COVID-19 bemari logot close contact thakina ahishe nohoile kuan manuh bemari laga symptoms ase tai khan nemite reserved ase koishe.
Jaa moina te, Civil Aviation Administration of China (CAAC) para foreign airlines laga service tuh China te ahiboli kuli thishe aro desh te fights tuh aro beshi kuri thishe, China te economy tuh bhal hoikena jaa nemite ase koishe. Friday din, Deutsche Lufthansa AG para koishe ke, China te fights aha laga number tuh double kori thibo aro mainland China para jaa tuh aha hafta te othaboli koishe. Etu samay, Air France KLM SA, koishe, China laga flights tuh besi koriboli approval paishe. Airlines beshi China laga rasta te peraboli suspend kori thishe, etu suspend kora tuh pas(5) jun oper passengers khan logot aha samay coronavirus bemari tuh positive paishe koishe.
Add Comment