New Delhi. July 21, 2020. Kolkata Police laga Cyber Crime Department para Koushik Das ke arrested kurishe koishe. Tai para actress Swastika Mukherjee ke rape aro acid para hamla kuri thibo thamki thishe koikena social media te koishe. Journalist ke tuh Galsi, Bardhaman chaka para arrested kurishe, tai para actress Swastika Mukherjee laga khobor mesa-mesi kisa website te thala nemite ase koishe. “June 26 din te, moi lga co-actor laga ahiboli movie “’Dil Bechara’ Sushant Singh Rajput” mora bechete, media report ekta para mesa-mesi khota koishe ke, suicides kora tuh fashion neshina hoishe. Etu beche, online te manuh beshi para ami logot attack kurishe, etu oper te rape aro morai thiboli thamki thishe”, koikena Friday sham te Facebook account te Swastika para janai thishe. “ami manuh khan ke kuboli mon thaka tuh, etu manuh para mesa-mesi khobor tuh www.smritinews.in, te thikena ase. Shuvam Chakraborty tuh Galsi, Bardhaman Bengal para ase aro tai ke Kolkata Cyper Crime Department para arrest korishe. Tai para etu mesa-mesi khobor tuh news portal aro social media te thalishe koikena manishe,” Swastika para koishe. “etu oper te, Koushik Das kuan Hooghly para ase, tai ami ke acid para hamla kuribo aro rape kori thibo thamki deya ke be arrested korishe. Tai jun be Court te surrendered hoishe” Swastika para koishe. Tai para aro kowah tuh, ami khan besi manuh, maiki-mota laga kotha jarikena, cyber attacks hoi aro etu hosa be hoi thaki. Etu para ami khan laga mental be beya kori dey aro nejor be aro tai khan laga families logot be jokom paijai. Etu nemite ami manuh khan logot koiase ke, mon tangor hoikena joti enaka khobor honile Police logot joti khobor thiboli lage’”.
Add Comment