Agencies, 21 July: University of Oxford para coronavirus vaccine AstraZeneca bona te first milestone kamiyaab toh hoise. Kelay koile thousand manu ke inject kora bechide gara immune jawab toh deya nemide. Hoilebe vaccine te kaam kori thaka ekta leading researcher, Andrew Pollard para etiya be etu vaccine toh kaam kori ase na nai janibo lakibo koise.
Media te kotha kora samai Pollard koise, “Ami khan vaccine bona te first dangor milestone toh kamiyaab hoise. Etu vaccines te right responses aro generating anti body response dekhaise. Ami khan etiya be vaccine toh kaam kori ase na nai aro manu ke bachai na nai prove koribo lakibo.
Andrew Pollard para dangor challenge toh , vaccine kaam kori ase na nai prove koribole laga ase koise. Etiya lockdown te thaka nemide results dekhabole dekthar ase koise”.
Monday din scientists para University of Oxford para coronavirus vaccine, AZD1222 bona janaideya thakise. Etu vaccine toh gao pithor te phal howa aro gara immune jawab dae koikena janaideya thakise. Etu phal khobor deya toh first phase laga “promising” human trials bechae te ase.
The Lancet medical journal te trial results published kora hisaab te, tuita doses Covid-19 vaccine deya te serious side effects promote kora nai aro T-cell immune responses toh gara para deya dekhise koise.
Add Comment