Agencies, 22 July: Sports Authority of India (SAI) para 11 disciplines te 32 foreign coaches laga contract toh September 30, 2021 tak nemide othaideshe. Besi phak coaches laga contracts toh etu sal September te kothom hobole thaka ase.
SAI para etu fesla lowa toh Tokyo Olympics nemide athletes laga training toh eki coaches logode loi thakibo karni kora laga ase koise. Tokyo Olympics toh COVID-19 pandemic nemide ek sal postpone korikena ase.
Fesla opor te Union Sports Minister Kiren Rijiju koise, Tokyo Olympics laga postponement karni eki coach para athletes ke training debole kaam laga hoise. Aro etu toh athletes ke dekthari powa nathakibo nemide ase.
“Ekta notun coach para samai loi athlete ke buchibo nemide aro athlete ke be coach laga training process janibo nemide samai lakae. Ami khan ke etu nesana laga samai etiya nai”.
Rijiju para poila Indian aro foreign coaches toh komti hoilebe jar sal nemide naoile ekta Olympic cycle nemide hire koribole janaideya thakise. Etu toh training toh jai thakibole ensure koribole laga ase. Jar sal contract toh 2024 aro 2028 Olympics te shai kena hand out koribo.
2021 tak nemide ek sal interim othaideya toh joldi step lowa laga ase kelay koile Tokyo Olympics samai te athletes ke eki coaches thakibole ensure koribole nemide. Jar sal nemide contract othaideya toh coach laga performance aro respective National Sports Federations para recommendation te thakibo.
Jar sal nemide contracts toh annually review koribo aro coach laga pura-puri performance te othabo.
Add Comment