Maldives khan SAFF Cup title jeta pora chute manabo

Agencies, 16 September: SAFF Suzuki Cup de title jeta bechide Maldives government pora Tuesday din kushi-manabo karni public holiday janaise. Tai khan pora defending champions India logode Saturday din 2-1 pora jeta thakise. Maldives President Abdulla Yameen Abdul Gayoom pora janaideya hesab de, tai khan Tuesday din kushi-manabo aro jeta team logode welcome koribole ase koise. Tai khan etu pora championship title jeta toh first time ase. Maldivies nemide Ibrahim Mahudhee aro Ali Fasir pora goal thala karni 2008 bechide first time title jetise. Extra time de India’s Sumeet Passi pora goal thala bechide Maldivies toh title jeti lowah thakise. Etu agae de Maldivies khan Nepal logode 3-0 pora jeta thakise. India team nahara agae de ektum phal pora jai thakise. Tai khan group stage  time de Maldivies logode 2-0 pora jeta thakise. Final time de India forwards khan goal thalibole ektum kosish kora thakise. Hoilebe tai khan thakibole paranai aro tai khan laga defence toh komchor howah thakise. Etu pora Maldives toh phal hoi-ja thakise.