New Delhi July 24, 2020. Sobse popular dancer ekta, Amala Shankar Friday pujur Kolkata te 101 umer khoikena morishe. Tai ke path-breakers koikena Indian women pithor te count kuri thakishe. Amala laga kam para Indian fusion dance ke Duniyaa te be popular kuri thishe.
Tai tuh 1919 saal Jessore te jonom paishe, etai Bangladesh koi. Amala tuh chotu saal thaka time para arts aro music side te interested thakishe. Tai tuh ‘Banga Vibhushan,’ award be paishe, etu award tuh ‘field of art’ te Mamata Banerjee-led West Bengal government para 2011 saal te thishe. Amala tuh late dancer aro choreographer Uday Shankar laga wife ase aro tai laga bacha khan tuh late musician Ananda Shankar aro actress Mamata Shankar ase. Etu ekla nahoi-kena tai tuh musician aro composer Ravi Shankar laga sister-in-law ase, Ravi Shankar tuh 2012 saal te Duniyaa jarikena jaishe. Amala mora khobor tuh tai laga grand-daughter Sreenanda Shankar para janai thishe aro koishe ke, “aji moi laga thamma (grandmother) 101 umer te jarikena jaishe. Moi khan olop din ake tai laga birthday jaa moina (June) te he manaishe. Besi restless laki ase ke, Mumbai para Kolkata jabole flights nai, mon dhuk ase, tai laga soul tuh rest in peace te thakibe, etu samay kotom hoishe. Love you Thamma. Tui nemite sob dunyabad thiase. Amala para tai laga moota (Uday) ke lok kura tuh tai 11 umer thakishe aro 1931 saal te International Colonial Exhibition, Paris te thaka samay ase. Tai, dance troupe te joined kurikena Duniyaa phur te berai thakishe. Amala para ‘Kalpana’ film (1948) saal te lead role loishe, aro etu film tuh Uday Shankar laga ase, Uday laga sopna tuh dance school kuliboli mon thaka samay ase. Amala tuh prestigious Cannes Film Festival, red carpet te be shamil thakishe. Tai laga atma tuh shanty te thakibi.
Add Comment