Pakistan laga northwest chaka te bomb blast hoikena 20 manuh jokom paishe

Peshwar: July 24, 2020. Thursday din Pakistan laga tribal district ekta te sobji gari ke bomb thali-kena thaka tuh bazar te blast hoishe, etu samay komti hoilebi 20 manuh jokom paishe aro etu pithor te bacha be ek jun be thakishe koishe. Bomb blast tuh Parachinar city laga Turi Bazar te bota-ase, manuh khan ghor saman aro sobji kena samay hoishe. Parachinar District laga Superintendent of Police Najab Ali para koishe ke, bomb tuh improvised explosive device (IED) sobji gari te thali-kena thaka ase. Jokom paa manuh khan tuh District Headquarters te loikena jaishe. Deputy Medical Superintendent (DMS) Parachinar Hospital laga Dr. Qaiser Hasan para Dawn newspaper te koishe ke, komti hoilebi 20 jun jokom kora manuh khan tuh elach nemite te anishe aro tai khan pithor te bacha ek jun be thakishe. Tai aro koishe ke, jokom kora manuh pithor te tui(2) jun besi serious te ase. Parachinar tuh Kurram district laga capital city ase aro Khyber Pakhtunkhwa province ase. Bomb blast kora beche jolti para security forces aro rescue team khan chaka tuh pongchese. Security forces para blast howah chaka tuh kabza hoikena besariboli soruh kurishe. Hamla kora tuh kuna group khan para be nam lowah nai, hoilebi etu chaka te Sunnis aro Shias khan larai kori thaki koishe. Etu bhaka te thaka manuh khan para main highway tuh bondh kuri thikena Parachinar Press Club osor te protest kurishe. Opposition Leader Shehbaz Sharif para blast nemite tangor botnam thishe, aro koishe ke, terrorist khan para citizens logot hamla kora tuh tik nai”. Pakistan te Kurram district tuh sobse sensitive tribal khan thaka chaka ase aro tinta(3) Afghan provinces logot borders ase koishe. Etu chaka te boila saal besi par hamla kora aro poisa nemite kidnap kora khobor ase. 2017 saal, Parachinar chaka te pithor manuh khan para hamla kurikena komti hoilebi 132 manuh morishe aro 460 manuh jokom paishe. Olop saal ake te be, pithor manuh khan para 11 bomb para hamla kurikena 500 oper manuh ke morai thishe koishe.