Agencies, 25 July: Friday te Mizoram Sports Minister Robert Romawia Royte koise, state government para COVID-19 pandemic subsides bechide football tournament lobo.
Mizoram Football Association (MFA) laga general body meeting te Royte koise, proposed ‘Laldenga NE Peace Cup’ toh All India Football Federation (AIFF) aro sport’s state body logode melikena lobo.
Tai koise, state government toh dangor kosish kori ase alak alak disciplines cover korikena sports infrastructures toh phal koribole nemide.
Tai koise, “Alak alak sports infrastructures bonabo karni, sports department para funds toh othaise aro etu funds opor te Externally Aided Project (EAP) para be funds pabole bhabona (expect) ase”.
Minister hisaab te, good football grounds laga construction toh tinta montu districts Saitual, Khawzawl aro Hnahthial – te bonai ase. Tati artificial turf toh rakhibo. Tai koise, MFA Football ground toh aji kali Sairang near Aizawl te FIFA laga motob logode bonaise.
Royte koise, state government toh sportspersons ke motob koribole aro talented khan international level ponjibo karni motob debole kosish kori ase.
Tai para Rs 20 lakh aro Rs 15 lakh toh hockey star Lalremsiami aro weightlifter Jeremy Lalrinnunga ke deya thakise koise. Etu toh international level te tai khan laga performances nemide kushi pai kena deya laga ase koise.
Tai para notun sports policy aro “industry tag” to sports para sports laga field phal hobole bhabona howa koise.
State te sports sector toh othabo karni Mizoram government para etu sal alga May moina sports te “industry” status nemide grant kora thakise.
Add Comment