New Delhi July 25, 2020. Friday din Disney Plus Hotstar te, Late Sushant Singh Rajput laga film Dil Bechara thikaina munuh khan sob ke mon dhuk kurithishe. Mukesh Chhabra para directed kora aro starring tuh Sanjana Sanghi olai. Etu film Hollywood laga ‘The Fault In Our Stars’ Hindi para adaptation kora ase koishe. Etu film release hoikena ek minute pithor te, viewers khan OTT platform te jaikena Sushant laga last film tuh saishe. Dil Bechara film para IMDb rating record break kurishe. Release koikena atha gonda pithor te rating tuh 10 te othishe. 21 thousand votes oper paikena, Dil Bechara laga IMDb rating tuh 9.8 te ase koishe. Dil Bechara film te Sushant Singh Rajput tuh osteosarcoma para bemar olai aro Sanjana Sanghi para Kizie Basu laga role loikena, tai be thyroid cancer bemar thakishe. Etai film tuh IMDb laga top position te ase aro ‘Top Rated Indian Movies’ list te hoikena Kamal Haasan aro R Madhavan’s 2003 Tamil film Anbe Sivam be kerai thishe. Sushant Singh Rajput laga fans khan Dil Bechara film tuh highest rated Indian film ase koikena jana beche khusi paishe. Etu film tuh Manuh besi para late actor Sushant Singh Rajput logot samaan deya ase koishe. Olop din ake te, Dil Bechara film trailer ola beche, dosurarecord sob beya kuri thishe. Olop din pithor te 70 million viewers hoishe. Etu ekla nahoina, sobse popular superhero films laga records — Endgame aro Infinity War neshina logot oper jaishe, aro ath(8) gonda pithor te 4 million ‘likes’ paishe. Aro olop din bechete, etu film tuh first time nemite YouTube te 10 million likes paishe.
Add Comment