Chinese province Xinjiang te 22 notun Covid-19 positive cases paishe

July 25, 2020. Sunday din Chinese mainland te 22 notun Covid-19 positive cases khobor paishe. Etu pithor te 17 cases tuh locally lakai laga ase koikena Monday din te health authorities para junai thishe. Locally lakai bemari cases tuh northwest China’s Xinjiang Uygur Autonomous Region para ase, etu khobor tuh National Health Commission laga daily report tuh Xinhua para koishe. Commission hesab te, etu bemar para manuh mora khobor tuh thakanai. Notun bemari cases ola nemite, malls aro hotels bondh kurishe aro ghor compound khan be locked hoishe. Local Government para koishe ke, testing tuh tuita(2) phase te kuribo, aro etu tuh Urumqi chaka kot para  13 locally virus cases paa chaka te kuribo koikena Bloomberg para koishe. China tuh coronavirus bemar ola chaka ase aro first case tuh December 2019 saal te paishe. Ek moina laga kotha ase ke, desh te bemari cases tuh othikena 80,000 oper jaishe. Etu samay Beijing para koishe ke, virus tuh sobse oper pongchese, aro etu bemari tuh Duniyaa phur te olaikena ase.