US para Online Classes nemite notun Foreign Students nalobo koishe

Washington: July 25, 2020.  Friday din te United States para junai thishe ke, notun foreign students khan ke online study te nalopo. Etu laga policy tuh Immigration and Customs Enforcement para statement te khobor kurishe. President Donal Trump para bahar manuh khan ke tangor kotha thikena   coronavirus bemari samay alak-alak visas be suspended kuri thishe. Original policy botli kurikena foreign students khan laga visas aro autumn samay online classes loboli thaka tuh top universities aro Harvard aro MIT, teachers unions aro komti hoilebi 18 states khan para court te loikena jaishe. Aro July 14 darik te administration para course tuh wabaz othaishe aro decision tuh be cancel kurishe. Etu kam tuh Trump para kuriase aro educational institutions khan tuh COVID-19 bemari thaka para kam tuh oshari te kuriboli thaka tuh  pressure dey ase koishe. Trump para schools khan aro kuliboli mon ase keli koile desh tuh normal te ahiase koishe aro tai November moina te election larai be kuriboli ase koishe. Trump tuh etu kam khan besi loikena ake te jabole koriase, hoilebi konuba desh te virus tuh control te nai, etu nemite United States te bemari para 144,000 oper manuh morikena ase koishe. Trump laga administration para etu kam tuh states khan ke saikena school tuh kenaka oshari para kulibo state ke saboli  jari thishe. Institute of International Education laga hesab te, United States te 2018-19 laga academic saal te international students khan tuh 1 million oper ase koishe. Besi schools khan tuh students khan laga tuition fee te he depend kurikena ase. United States te college aro universities khan para semester tuh ketai hobole laga plan tuh aro janai deya nai, hoilebi, Harvard para koishe ke, 2020-21 academic saal laga classes tuh online para loibo, “alak darika para lobo” koishe.