UN khobor: Kerala aro Karnataka te ISIS pithor manuh besi ase

United Nations: July 25, 2020. United Nations para terrorism laga khobor deya samay koishe ke, “Kerala aro Karnataka te ISIS terrorist khan besi tangor number ase aro al-Qaida terror group tuh Indian Subcontinent te thaka tuh 150 para 200 militants tuh India, Pakistan, Bangladesh aro Myanmar te ase aro tai khan para desh te hamla kuriboli plan ase koishe. 26th report laga Analytical Support aro Sanctions Monitoring Team para bhapana thaka al-Qaida aro tai logot melekina individuals aro entities laga kotha koishe ke, Indian Subcontinent te al-Qaida khan tuh Taliban laga pithor te Afghanistan laga Nimruz, Helmand aro Kandahar provinces te kam kuriase koishe. Etu  group te 150 para 200 neshina members khan tuh Bangladesh, India, Myanmar aro Pakistan para ase koishe. Al-Qaida in the Indian Subcontinent (AQIS) laga leader tuh Osama Mahmood ase, tai para late Asim Umar ke botli kurishe. AQIS para tai khan laga former leader late Asim Umar ke morai deya nemite hamal kuriboli plan ase”, tai koishe. Khobor hesab te, “ekta me,ber state para khobor thishe ke, ISIL aro Indian logot melikena thaka khan para May 10, 2019, saal te 180 para 200 members ase koishe”. Aro koishe ke, ISIS para Kerala aro Karnataka states te kam kuriase koishe. Jaa saal May moina te, Islamic State (ISIS, ISIL or Daesh) terror group para koishe ke, India te notun “province” bona-kena ase. Etu kotha tuh Kashmir te pithor manuh aro security forces khan larai howah beche junai deya ase. Etu pithor manuh khan para Amaq News Agency te khobor thishe ke, Arabic laga notun branch nam tuh “Wilayah of Hind” (India Province). Jammu aro Kashmir laga senior police officer ekta para etu khobor tuh mesa ase koishe. Olop din ake te, ISIS khan para Kashmir te hamla kura tuh Khorasan Province branch logot linked ase, aro tai khan para  2015 saal te “Afghanistan, Pakistan aro osor chaka khan loboli nemite etu bona ase koishe.