Sydney: July 25, 2020. Wednesday din Duniyaa te coronavirus bemari cases tuh 15 million oper hoishe koikena Reuters laga tally para koishe. United States te 3.91 million bemari cases hoikena ase aro etu sobse besi cases ase. President Donald Trump para warned thishe ke, “gopal beya ase ke, beya hoise bhal noha ake te.” Duniyaa te sobse besi 5 countries tuh Brazil, India, Russia aro South Africa. Hoilebi Reuters laga tally hesab te bemari tuh sobse jolti America te jaiase. America te bemari cases aro manuh mora tuh Duniyaa laga atha neshina ase koishe. Duniyaa sob te notun beamri tuh komti howah eku sign nai koikena Reuters tally laga official reports koishe. First COVID-19 bemari cases tuh China laga Wuhan City te December moina olaishe, 2 million cases pongche-boli 15 hafta loishe, etu bechete 15 million case tuh 80 days loishe.
Official number hesab te coronavirus cases tuh 15,009,213 ase, etu number tuh hotai saal influenza bemar laga triple ase koikena World Health Orgabization laga data para koishe. Aro 7 moina pithor te manuh mora tuh 616,000 oper hoikena ase. Brazil te, 2.15 million oper manuh ke positive test paikena ase etu pitjor te President jair Bolsonaro be positive ase aro 81,000 manuh khan morikena ase. India te, bemari cases tuh 1 million oper ase. Wednesday din te 40,000 notun cases paishe, aro India khan para economy tuh aro kuliboli kuriase. India te etai tuita logot larai hoiase, bemari logot aro desh laga northeast chaka te flood hoiase. South Africa te tuita ministers COVID-19 bemar para hospital te admit hoishe. Africa laga sobse tangor industrialized desh te 372,628 bemari cases ase aro 5,173 manuh morikena ase. Dosura desh te tuh aro notun bemar ola nemite restriction aro othao thishe. Spain te, Barcelona laga beaches te manuh laga number tuh limited kuri thishe, tai khan hafta kotom howah samay ghor te bohi boli koilebi seaside te jai thaki koishe. Australia laga second tangor city Melbourne te, manuh khan ke Wednesday din para mask lakaboli order thishe, keli koile desh te 501 notun cases paa nemite ase. Canada laga officials khan para economy aro kula bechete notun cases otha sai-ase, jawan manuh khan bars te besi manuh jama kora chaka te olai hoishe. Etu samay, China te ahiboli nemite passengers khan ke COVID-19 negative test result lage koishe.
Add Comment