White House: Virus bemar thaki-lebi, students khan school jaboli lage

July 26,2020. Friday din te, White House laga Press Secretary Kayleigh McEnany, para koishe ke, hotai din novel coronavirus bemar pai thki-lebi bacha khan tuh aro school te wabaz jaboli lage. Etu bemari para United States te 140,000 oper manuh morikena ase. President Donald Trump para aro schools tuh kuliboli kuri ase. Jaa spring moina te desh pura te coronavirus tuh ola nemite bondh hokena ase. Hoilebi, teachers aro families khan laga bhapana tuh, joti bacha khan classroom te jaile virus aro thuriboli ase koishe. “bemari tuh thakilebi aro beche te studies korilebi, ami khan laga bhapana tuh srudents khan tuh schoole te jaboli lage, keli koile ami khan para bacha logot ke effect ase etu jani—scientifically hesab te, bacha khan ke tangor manuh logot bemar kora nehina nahoi, koikena McEnany para press briefing te Dr. Deborah Birx, White House coronavirus task force laga sawal jawab deya ase. Friday din te, Birx para television program “Today” te sawal tuh “bemar tuh keman joti 10 saal umer bacha logot spread hoi? Tai, South Korean study hesab te koishe ke, kuan bacha 10 saal pithor ase tai khan logot virus tuh komti thuri aro kuan bacha khan 10 saal umer opera ase etu same rate tangor manuh khan neshina ke thura neshina ase. Birx para aro koishe ke, komjur bacha khan ke tuh ‘bemar tuh besi’ hobo, joti tai khan logot virus tuh thakile, koishe.