US te 24 gonda pithor 68,000 Coronavirus Cases paishe aro 1,067 manuh morishe

Washington, United States: July 27, 2020.Saturday din United States te, 24 gonda pithor te  notun coronavirus cases tuh 68,212 paishe, Hopkins University para real-time tally hesab te koishe. Etu para duniyaa te sobse bemari thaka chaka te cases tuh 4,174,437 hoishe, koiekana Baltimore-based university para 8:30 pm (0030 Sunday) te junai thishe. Etu oper te 1,067 manuh mora khobor paishe. United States te sob melaikena 146,391 manuh morikena ase. United States te jaa spring moina te bemari tuh komti hoikena aro southern aro western desh neshina– California, Texas, Alabama aro Florida te cases tuh othishe koishe. Jaa 12 din neshina, hotai notun cases tuh 60,000 pai thakishe. Scientist khan para kowah tuh, tin(3) hafta aro char(4) hafta bemari cases othi thaka nemite manuh be besi morishe. Jaa char(4) din pithor te 1,000 oper manuh morishe.