China khan Siang nodi pora dikdaar di ase

ITANAGAR | September 17, 2018:Sunday te Adis, laga apex aro appeiliate body khan secretary general Bodong Yirang aro dusra officials khan logote paani jamaa huwa bosti  East Siang district Mebo subdivision bithor te sabole jaishe .Etu team khan pora  Sigar, Raling, Borguli aro Namsing villages sabole jaishe aro gaonburas khan logote milikena etu jaka laga manu khan logote kotha kurishe .Etu team khan nodi saa time te etu te Borguli laga bosti manu khan traditional aro local mean s pora etu paani laga  current ulta kuridishe erosion khan komti kurishe aro khushi janaidishe tai khan milikena kura toh aro tai khan ke milikena thakibi koishe enika time te.Seram bosti te  bi team khan pora khushi janaidishe etu jaka manu khan pora modot kura nimete enika programme khan shuru kura nimete.Namsing te alag alag  mati jaka (hectares of land ) kubi  agricultural feilds bi milikena  biya hoi jaishe .Etu aha team khan pora bosti manu kahn logote kotha koikena koishe aro tai khan ke koishe tai khan etu chamela toh state aro central sorkar khan logote kotha kubole ase .Etu pichede etu biya jaka bera khotom hoikena  Yirang koishe Siang pora bishi biya kuridishe Adi villages lower Mebo aro kun ba thaka manu khan joborjosti ghor charikena jaishe.Etu nimete tai pora China ke bodnam kurishe Siang (Tsangpo in Tibet) India etu ekta dangor chamela ase New Delhi khan etu deal kuribole lage.