July 28, 2020. Comedian aro actor Kapil Sharma para tai laga comedy show The Kapil Sharma Show te fresh episode wabaz ahishe. COVID-19 lockdown para sob TV shows, film aro web series khan coronavirus spread nahoboli nemite bondh kurikena thakishe. Etai Government para manuh komti thakina shows aro shooting hobole aro kuli thishe. First episode manuh khan para ruki thaka te actor Sonu Sood thakibo, tai tuh COVID-19 bemari samay migrant workers khan laga messiah thakishe. Sonu Sood para show te ahikena tai ke besi sunder thikishe aro tai para manuh khan kenaka motob thishe etu laga kotha koishe. The Kapil Sharma Show te Sonu Sood laga noka tuh internet te purta hoishe. Actor tuh comedian Krushna Abhishek logot kotha koi thakishe, kuan show te Sapna laga part loi. Dosura noksa ekta te Sonu Sood tuh Kapil Sharma logot hasikena olaishe. Sonu Sood para migrant workers khan ke bemari thaka samay nejor ghor te wabaz ani thishe. Tai para daily wage workers ke bus, fights aro khana arrange kurishe. Olop moina ake te Sonu Sood para aro 1,500 Indian students khan ke Kyrgyzstan para otaikena anishe. “kushi ase ke first flight, Kyrgyzstan to Varanasi, aji soruh hoishe. Ami laga mission successful kora nemite @flyspicejet ke dunyabad thiase. Kyrgyzstan para Vizag laga second flight tuh 24th July te oribo. Jaa tin(3) atha tuh ami migrants khan logot 16 to 18 gonda hoita bohi thakishe, aro etu ami laga life-changing experience thakishe. Ami tai khan ke lok kuriboli jaa samay tai khan ghor te wabaz jabole thakishe, etu nemite ami beshi kushi paishe.
Add Comment