National

Delhi BJP kan PM Modi laga 68th junum din nemite

September 17, 2018
26 Views

NEW DELHI, SEPTEMBER 13 : BJP Party Delhi laga kan Monday din 1 habta lamba Programme manabole kurise. Etubi Prime Minister Narendra Modi laga junum din nemite. Etu aro Party Leaders kan porabi Welfare Initiatives koi kena bi manabole kuri ase koise.PM Modi jua kali Monday te 68 sal huise. Etu karne etu junum din toh tai thaka jaka Parliamentary Constituency, Varanasi, Uttar Pradesh te manabole kurise koise.Etu 1 habta lamba Programme te Senior BJP leaders aro Union Ministers kan kobi Harsh Vardhan aro Smriti Irani bi melekena ami kan desh laga Capital laga alak-alak jaka te Welfare Initiatives koi kena public manu kan nemite manabole ase. Etu ke BJP Delhi Unit President Manoj Tiwari aro Senior Party leader Vinay Sahasrabudhe 2 jun pora bi jua kali Monday pujutte Kirti Nagar jaka te etu Programme manai kena thakise koise.Union Health Minister JP Nadda pora toh East Delhi MP Maheish Girri logot mele kena Health Camp manaidese. Etubi Vishwas Nagar jaka te. Etu Healt Camp manai kena etu Health Minister pora Prime Minister Modi pora toh tao aga junum din toh “Service” hisabte manabole janaidese. Aro etu din toh aro “Sewa Diwas” hisabte manabole kuri ase koise. Aro etu kan hisabte tai (Modi) laga adat aro neum (personality) toh ekta bhal laga ase aro mon de chuhi diya laga ase koi kena janaide thakise.Etu PM Modi laga junum din nemite alak-alak leaders kan Opposition Parties laga kan bi melekena khushi janaide thakise. Etu ke Bengal Chief Minister aro TMC Party leader Mamata Banerjee porabi Monday din te etu PM Modi ke 68th junum din nemite bhal kotha aro khushi laga kotha janaide thakise (greet) koise. Etu oporte Congress Party Chief Rahul Gandhi pora bi Twitter te pora PM Modi ke junum din karne besi khushi laga kotha janaide thakise koise.Prime Minister Narendra Modi laga junum din nemite bi ekta dangor Ladoo 568 kg bhari banaise. Etubi Union Minister Prakash Javadekar aro tai laga Cabinet Colleague Mukhtar Abbas Nagvi 2 jun pora banaide kena etu PM Modi laga junum din nemite de ase koise.