Clerk para manuh ek jun ke kolti ticket thikena Rs15 cr lottery jetishe

July 28, 2020. Ekta bhapana nathaka incident te, suburban Detroit para manuh ekta ke kolti para lottery ticket thikena Rs14,94,15,000, jetishe koishe. Etu lottery ticket tuh Eastpointe, Michigan, United States of America, te junai thishe, etu samay manuh ek jun para $2M poisa paishe. Michigan Lottery para koishe ke, ek jun manuh tuh Eastpointe, Michigan, laga gas station te tyre te hawa thaliboli rokishe. Etu samay tai hawa machine nemite change lagishe aro tai ke lottery ticket $10 Lucky 7′s loboli koishe. “Clerk para tuh ami ke $20 ticket tuh kolti para thishe, tai para ami logot botli kuriboli be hotishe, hoilebi keepa ekta para nejor rakiboli koishe. Ami kushi hoikena nejor logot rakishe” koikena etu manuh para statement kowah tuh Tuesday din lottery para koishe. Etu manuh tuh 57 umer ase aro tai laga nam tuh janai deya nai. Lottery para aro koishe ke, etu manuh para $2 million naloikena lump sum $1.3 million neshina he loishe koishe.