Bengal BJP Chief kari ke hamla kurise

KOLKATA, SEPTEMBER 17 : West Bengal BJP Chief Dilip Ghosh laga kari ke Monday din pathor mari kena hamla huise. Etu karne BJP Party kan State Ruling Tinamool Congress Party ke hala kurise koise. Huilebi etu ke Trinamool Congress Party kan pora tai kan hamla kura nahui. Aro etu chamala toh ulta tai kan BJP Party majutte hi chakara huikena hua laga ase koi kena janaide thakise.BJP Party pora khobor te janaidiya hisabte aro TV laga noksha te dekha hisabte etu West Bengal BJP Chief Dilip Ghosh kari laga Rear Windshield toh hamla hua time te bhangai dese. Aro etu hamla hua toh BJP Meeting mana Contai jaka, Purba Medinipur District laga ke hua laga ase. Aro etu time te 3 jun BJP members kan jukum huise. Huilebi etu Dilip Ghosh toh eku jukum kan toh hua nai koi kena janaide thakise.