Trump: US para dosura desh ke be COVID-19 Vaccine deboli pareh

Washington DC: July 29, 2020US President Donald Trump para press briefing samay koishe ke, United States khan para novel coronavirus laga vaccine tuh dosura desh logot ready howah beche thiboli ase. “ketai vaccine tuh babo, ami khan para  olaikena bhal para chobo”, koikena Trump para Tuesday din te reporters khan logot koishe. “etu vaccine laga kam tuh duniyaa sob te besi jolti para kuribo aro desh laga chaka sob te vaccine tuh supply kuribo. Trump administration laga administration khan para vaccine tuh 2021 saal kotom nakora ake te olaboli kuriase. Monday din te, National Institutes of Health (NIH) para koishe ke, biotechnology company Moderna para vaccine bonai-kena thaka tuh US laga scientist khan para phase three trial soruh hoishe. National Institutes of Health (NIH) para US clinical research laga chaka besi te trial tuh loboli ase aro etu samay novel coronavirus para bemar nathaka 30,000 adult volunteers khan logot trial tuh loboli ase koishe. United States te, coronavirus bemari cases tuh 4.3 million oper ase aro Tuesday din dak te virus para 149,000 oper manuh morikena ase koikena Johns Hopkins University laga data para janai thishe.