Tokyo. July 30, 2020. Thursday pujur Northern Japanese town te, gas leak hoikena blast para walls aro window tuh orai thishe, etu samay 1 jun manuh morishe aro dosura 17 manuh jokom paishe. Jui laga eku sign thaka-nai aro investigators para koishe kem gas leak laga suspect para blast tuh hoishe koikena Koriyama fire department official, Hiroki Ogawa para koishe. Local media para koishe, gas leak koikena blast tuh restaurant te howah ase. Etai dak te, I jun manuh mora khobor paishe aro dosura 17 manuh ke hospital te loikena jaishe. Ogawa para aro koishe ke, tui(2) jun manuh tuh besi serious te ase. Blast kura chaka tuh bondh kuri thishe aro etu chaka osor te manuh thaka khan ke otaishe. NHK laga footage hesab te, building te manuh laga skeleton he thakishe aro ghor pithor te tuh wall aro glass tuh chaka sob te alak-alak hoikena thakishe. NHK aro koishe ke, osor te bank laga customers aro employees khan be jokom hoishe. Etu blast howah tuh manuh besi thaka chaka business aro commercial district osor te city laga main train station, hospital, schools aro city hall khan be etu chaka osor te ase koishe. “ami boom koikena awaz honishe aro mati helishe, etu earthquake bhapana kurishe, hoilebi mati hela tuh besi deri thakanai”, koikena osor te Kuwano Kyoritsu Hospital laga employee ekta paa NHK logot koishe. Hospital pithor te kuan logot be jokom panai, hoilebi konuba window laga glass tuh botishe koishe.
Add Comment