Rio de Janeiro: Wednesday din, Brazil te notun coronavirus laga sobse besi bemari cases aro manuh mora khobor registered kurishe, etu para Brazil te manuh mora tuh sob melaikena 90,000 oper hoishe. Brazil te, etu bemari para United States beche, tai khan besi beya para lakina ase. 24 gonda pithor notun bemari cases tuh 69,074 hoikena ase aro 1,595 notun mora khobor ase. Etu para bemar ola beche sob melaikena 2.5 million oper bemari cases aro 90,134 manuh morijena ase koikena health ministry para koishe. Experts khan para koishe ke, desh te 212 million manuh ke uner-testing te ase etu nemite hosa te tuh etu para be oper thakibo pareh. Technical issues nemite be figure tuh besi hobole pareh koishe. Tuesday din te, health ministry para koishe, Sao Paulo te online reporting system problems thaka nemite figures tuh deri kuri ase. Etu chaka tuh Brazil laga sobse manuh besi thaka chaka ase aro bemari cases aro manuh mora tuh etu chaka para besi wala ase. July moina para loikena, ek din pithor te hotai 1,000 oper manuh mora khobor ase aro notun bemari cases tuh 30,000 pai-ase koishe. President Jair Bolsonaro para bemari ke handle kura oper te botnam besi pai-ase.
Add Comment