Brazil President laga maiki Michelle Bolsonaro logot COVID-19 Positive test paishe

July 31, 2020. Brazilian President Jair Bolsonaro laga maiki(wife) aro ministers ek jun logot COVID-19 positive tested paishe koikena Thursday din official statement para koishe. Brazil te novel coronavirus bemari tuh komto kura eku sign nai aro Duniyaa te United States beche bemar beya jai thaka tuh second te ase koishe. Tai laga mota president tuh quarantine te hafta oper thaka beche negative test paishe. Ek din thaka beche  Bolsonaro laga maiki Michelle logot positive test hoishe, presidential office para statement te koishe. “First lady Michelle Bolsonaro logot COVID-19 positive tested tuh Thursday din te paishe. Tai laga health tuh bhal ase aro protocols manibole” koishe. Thursday din te, Brazil laga science aro technology minister, Marcos Pontes para koishe ke, tai laga test tuh positive ase aro tai tuh Bolsonaro laga government te etu bemari para thura tuh fifth minister ase koishe. Brazil te tai khan ke bemar thura tuh aro bemari ahiboli sign ase. Wednesday din te notun coronavirus bemari cases aro paishe. Health Ministry para khobor thishe ke,  Brazil te notun 69,074 bemari cases ase aro 1,595 manuh mora ase, etu sob melaikena desh te  2.5 million oper cases ase aro 90,000 oper manuh morikena ase. Science aro technology minister, Marcos Pontes para etu khobor tuh facebook te janai thishe aro tai be quarantine te thakina thur para kam koriase koishe. Tai koishe ke, “ami ke notun coronavirus positive test paikena ase. “ami bhal wala ase, phukar olop aro matha beka ase.”