Chandigarh: Police official koishe Punjab laga hooch tragedy te manu mura laga toll toh Saturday din te 39 te uthise.aro etu nimete aro bi duijun manu thurishe etu bi tai khan biya modu bekah nimete .
Etu deaths toh state laga Tarn Taran, Batala aro Amritsar districts te hoishe Wednesday din para .
Inspector General of Police S P S Parmar para PTI ke phone te koishe ki Saturday phujur te aro bi duita manu thurishe etu hadsaa nimete.etu nimete Tarn Taran te paanch jun manu ke thurikena ase hudah hudi kuribole nimete.
Etia officials koishe ki etia tak 39 manu khan murishe .tai khan koishe aro ek jun manu Amrtisar te Friday rati te murishe.
officials para Saturday te koishe Nineteen manu Tarn Taran, 11 Amritsar aro nine Batala te modu khaikena Amritsar’s Muchhal village te murishe.
Tai khan bhui khai thakishe etu toll toh uthibole pareh koikena.Friday te aata bootleggers khan thurishe komti hoilebi tinta districts 40 raids kura pichede.
Officials kuwa hisaab te etu mura manu khan laga ghor manu khan tai khan laga statement dibole mananai .aro etu te kunba toh Muchhal village te protest kurishe government para compensation mangikena.
deceased Kirpal Singh laga ghor manu khan para tai laga body toh protest jaka te rakhishe aro ekta compensation Rs 10 lakhs laga mangishe aro liquior mafia laga khilaaf kara para action lobole nimete janaishe.
Bishi wala manu khan dhamki dishe tai khan para Amritsar-Delhi National Highway toh bondh kuribo judi tai khan mananai koile toh.
Khadoor Sahib MP Jasbir Singh Dimpa, Jandiala MLA Sukhwinder Singh Danny and Senior Superintendent of Police Dhruv Dhaiya etu jaka te punchise protestors khan logote kotha kuribole nimete.
Dimpa para murijaa manu laga ghor manu khan ke Rs 1 lakh compensation dibole manishe.hoilebi ghor manu khan laga bishi wala compensation mangishe.
Punjab government para magisterial inquiry Divisional Commissioner Jalandhar ke kuribole dibole hokum dishe .districts te Joint Excise and Taxation Commissioner Punjab and SPs (Investigation) khan etu team te thakibo.
Opposition Shiromani Akali Dal para judicial probe mangishe etu hadsaa te .aro Aam Aadmi Party koishe CM Amarinder Singh resign kuribole lageh state laga sobse dangor hooch tragedy nimete .
Add Comment