Washington: August 1, 2020. United States of America para Chinese laga video-sharing app TikTok bondh kuriboli ase koikena President Donald Trump para reporter aboard Air Force One logot kotha kura samay junai thishe. US President para koishe ke, Saturday din dak te app tuh bondh kuriboli bhapana ase. United States para TikTok bondh kura reason tuh user privacy aro data security norms violation nemite ase koishe. “TikTok oper te bhapana thaka tuh, ami khan para United States te bondh kuriase, President para koishe. “ami logot te authority ase aro ami para executive order para kuribo. Olop din ake te, khobor paishe ke, tech giant Microsoft tuh US operations of TikTok, Beijing based ByteDance logot kotha kurishe Trump tuh tuita(2) kotha nemite bhapana ase. TikTok aro bondh kuriboli. Tai aro kowah tuh video platform nemite be dosura rasta sai ase. India para 49 Chinese apps pithor te TikTok tuh bondh kuriboli first batch thakishe, keli koile etu tuita(2) desh pithor te Indian Army aro Chinese PLA majot te Galwan Valley te laria kura beche ase koishe. United States aro China laga relation tuh be beya hoikena US law bona manuh khan para China logot “sobse tangor national security threat’ koishe.
Indonesia te TikTok tuh 2018 saal te bondh kuri thishe.
Add Comment