London: August 2, 2020. Britain para India laga Mahatma Gandhi ke samaan kurikena tai khan poisa(coin) te olai thiboli ase, keli koile Black, Asian aro dosura minority ethnic communities manuh khan ke jenai thibo karne aro tai khan para bhal kam kura nemite ase koishe. British Finance Minister Rishi Sunak para Royal Mint Advisory Committee (RMAC) logot letter leki-kena etu manuh khan ke recognition nemite ase koikena UK Treasury para Saturday din emailed statement te koishe. Treasury para koishe ke, “RMAC para Gandhi ke samaan thikena poisa (coin) olaboli”, koishe. Mahatma Gandhi tuh 1869 saal te jonom kurishe, tai laga jeevan pura tuh shanty para kam kuriboli manuh ke shekaise aro tai para India independence nemite tangor role loikena thakishe. Tai laga jonom din tuh October 2 darik te ase aro etu din tuh International Day of Non-Violence ase. Gandhi logot “father of the nation”, be koi..hoilebi tai ke Hindu manuh ekta para January 30, 1948 saal te morai thishe. India khan British rule para freedom paa beche olop moina he thakina morishe. Duniyaa laga beche din History tuh oper te, colonialism aro racism thaka nemite kala manuh George Floyd, ke May moina United States te Minneapolis police officer ekta para tai laga kola te noi(9) minute neshina jepaina morai thishe. Etu nemite konuba British institutions khan para jaa din tuh aro re-examin kuriase koishe. Organizations besi khan para Black, Asian aro minority ethnic (BAME) communities (manuh) logot motob kuriboli kam soruh kuriase aro racial diversity ke support ase koishe. Floyd mora nemite duniyaa te racism colonialism aro police khan oper te protest besi thakishe. RMAC Sunak para Royal Mint Advisory Committee (RMAC) logot letter leki-kena koishe ke, Black, Asian aro minority ethnic (BAME) communities (manuh) khan laga members para “tangor motob kuriase” etu nemite committee khan para sai-kena UK laga poisa (coin) tuh olaboli lage koishe. RMAC tuh independent committee ase, tai khan pithor te experts para kotha aro designs tuh Britain laga finance minister, kuan Exchequer laga Chancellor ase tai ke koikena poisa tuh olai koishe.
Add Comment